Efecto desgaleguizador

Efecto desgaleguizador é un xogo de rol para tres xogadoras no que se observará como as diferentes fases do sistema educativo afectan á fala do galego. Composto por unha única páxina, céntrase nas diferentes etapas educativas de Hadri, que sempre escoitou unicamente galego na súa casa até os tres anos. Unha participante interpretará a Hadri, mentres que as outras encarnarán a varios personaxes secundarios, dependendo da escena. Cada unha propón unha situación inicial sobre a cal deberán improvisar durante un tempo estabelecido.